A Deputación sinalizará o patrimonio cultural dos Ancares Lucenses
- Campos Conde presidiu este martes a reunión dos órganos de xestión da Reserva da Biosfera dos Ancares Lucenses, celebrada en San Román de Cervantes
- O proxecto de sinalización dos Ancares, financiado pola Deputación, permitirá a posta en valor dos bens culturais que se atopan en Becerreá, Navia e Cervantes, entre os que figuran dolmens, castros, petróglifos e edificacións históricas
- Durante o encontro, fíxose oficial a incorporación de 5 novos colectivos ao órgano de participación, que conta agora con 19 entidades
A Deputación recibe o premio Del viajar, da publicación “La Alacena Roja”, pola promoción dos Ancares Lucenses
Eduardo Vidal recolleu o premio e agradeceu este recoñecemento que supón un pequeno revulsivo para a difusión desta Reserva da Biosfera
A Deputación convoca concursos de receitas con produtos de Terras do Miño e Os Ancares Lucenses
- López Izquierdo presentou o proxecto Receitas da Biosfera, unhapioneira iniciativa da Deputación para promocionar e difundir o consumo dos produtos autóctonos
- Inclúe dous concursos de receitas de tapas e menús con produtos de Terras do Miño ou dos Ancares Lucenses. Están dirixidos a non profesionais, residentes dun dos 29 Concellos que integran ditos espazos naturais
- Hai premios de entre 50 e ata 500 euros. Os dous mellores pratos formarán parte dunha publicación nacional, que recolle pratos con produtos de Reservas de España
- Poden presentarse as receitas dende hoxe e ata o 18 de novembro no Rexistro da Deputación ou nas oficinas que fixa a lei. Máis información en www.deputacionlugo.gal
O pasamento alén dos Ancares
Por que non se varre de noite? Que ocultan os cruces de camiños? Por que se lles fala aos defuntos? Existen os aparecidos, as ánimas, as visións? A cultura da morte condiciona inconscientemente os hábitos de vida e as montañas de Lugo atesouran ritos e crenzas que axudan a manter unha boa relación co alén
A Deputación celebra o 10º aniversario dos Ancares Lucenses como Reserva da Biosfera
- Fíxoo con incorporacións ao Órgano Participativo, que acordou novas programacións a desenvolver: sinalización do patrimonio cultural e da Vía Romana XIX, recuperación de rutas de sendeirismo, desbroces ou asesoramento para emprendedores, entre outras
- O aniversario celebrouse en Cervantes coa participación do Presidente, o Secretario do MaB, a Deputada de Medio Rural, Alcaldes e membros de 11 colectivos
- Os alumnos do CPI de Cervantes expuxeron o seu proxecto de seguimento fenolóxico de especies vexetais. A xornada tivo lugar no Centro de Interpretación que se habilitou nas Pallozas, onde sopraron as velas da torta conmemorativa do 10º aniversario
A Deputación ofrece a 80 emprendedores asesoramento gratuíto para xerar ou reconverter empresas
- O Presidente e a Deputada de Medio Ambiente presentaron o IV Campus de Emprendemento Sostible xunto a participantes de anteriores convocatorias das que resultaron ou melloraron 13 establecementos na provincia
- Por 1ª vez, o Campus chega aos centros con ensinanzas superiores sobre produción agropecuaria, xestión forestal e do medio natural para fomentar o emprendemento como saída laboral. A través de 3 cursos, 60 alumnos coñecerán os elementos para xerar unha empresa e visitarán negocios xa consolidados de emprendedores lucenses
- O 4º curso do Campus é aberto ao público en xeral e está dirixido a persoas que xa teñen máis avanzada a súa idea de negocio. Inclúe formación especializada, visitas a empresas consolidadas e titorías individuais co obxectivo de consolidar os proxectos
A Deputación celebra o 10º aniversario da Reserva da Biosfera Os Ancares Lucenses con novas actividades gratuítas
- A Deputada de Medio Ambiente presentou a nova programación que inclúe actividades para unhas 100 persoas en Becerreá, Cervantes e Navia de Suarna
- Hai cursos de iniciación á micoloxía e á poda en árbores froiteiras, xornadas agroecolóxicas, conferencias científicas e roteiros polos Concellos
- O prazo está aberto en ancareslucenses@deputacionlugo.org. Máis información no 982227812
Encontro anual do Consello de Xestores das Reservas da Biosfera españolas
Durante os días 7, 8 e 9 de setembro tivo lugar nas instalacións do Centro Nacional de Educación Ambiental de Valsaín a reunión anual do Consello de Xestores das Reservas da Biosfera españolas. O Consello constitúese como un órgano técnico de asesoramiento ao Comité Español do MaB e está composto por un representante técnico de cada Reserva da Biosfera española.
O Alcalde do Real Sitio de San Ildefonso clausurou a Reunión do Consello indicando na súa intervención que é un honor para a Reserva de Biosfera do Real Sitio de San Ildefonso-O Espinar acoller unha reunión na que se dan cita os xestores dos 48 espazos que en España teñen este importante recoñecemento como Reservas da Biosfera.
A Reserva da Biosfera impulsa os produtos típicos colaborando co V Encontro de Artesanía de San Román de Cervantes
A Reserva da Biosfera Os Ancares Lucenses impulsa os produtos típicos e artes tradicionais da provincia, colaborando co V Encontro de Artesanía de San Román de Cervantes, que ten lugar o 9 de agosto neste concello da montaña luguesa, co gallo da celebración do 10 Aniversario da Reserva.
A Deputación organiza a feira agroecolóxica NaturaLugo, coincidindo co congreso internacional de SEAE
- Aberto o prazo para solicitar un dos 60 stands, que se situarán na planta baixa do Pazo de Feiras e Congresos, no correo electrónico info@naturalugo.com
- Concello de Lugo e Asociación Provincial de Hostaleiros farán coincidir nas mesmas datas o concurso de tapas, no que haberá unha categoría especial: a ecotapa ecolóxica
- O municipio habilitará ademais unha liña especial de autobuses para trasladar aos participantes dende o Pazo ao centro da cidade luguesa co obxectivo de dar a coñecer toda a riqueza da capital