A Deputación ofrece formación gratuíta a 60 emprendedores para a posta en marcha dos seus negocios
- Aberto o prazo de solicitude en www.deputacionlugo.gal e no 982-22-78-12 para os 3 novos obradoiros do II Campus de Emprendemento Sostible.
- Estándirixidos a persoas que teñan avanzada a súa idea de negocio para traballar a viabilidade comercial, técnica, legal, medioambiental e económico-financeira dos seus proxectos.
- Recibirán formación e farán visitas a empresas consolidadas. Rematado este proceso, terán titorías individuais nas que se lles prestará asesoramento personalizado para a posta en marcha dos seus negocios.
A Deputación impulsa un ano máis o III Encontro de Artesanía, Produtos Típicos e Arte Tradicional de San Román de Cervantes
- A Deputación fai unha nova achega de 3.000 euros para financiar parte das actividades do encontro que se celebrará o sábado, 9 de agosto, no Polideportivo municipal.
- Durante todo o día haberá máis de 40 postos artesáns de cerámica, coiro, teares e de produtos propios da zona da Montaña lucense.
- Este encontro contribúe á promoción os produtos autóctonos e os oficios tradicionais para xerar riqueza e fixar poboación no rural.
A Deputación colabora un ano máis no encontro de Irmandade entre Lugo e a Bretaña Francesa
- A institución provincial presta un ano máis o seu apoio financeiro a este encontro que celebra este ano, entre os días 12 e 19 de agosto, á súa 16ª edición.
- Os lucenses darán a coñecer as Reservas da Biosfera de Lugo ó tempo que porán de manifesto a riqueza cultural e produtiva da provincia ó longo das actividades previstas.
- A iniciativa ten como obxectivo manter as relacións entre ambos pobos e promover as Reservas da Biosfera de Lugo.