Fonte: Deputación de Lugo

– Esta iniciativa, destinada a rapazas e rapaces de entre 5 e 12 anos, enmárcase nas actividades medio ambientais e gratuítas que o Executivo organiza na Reserva da Biosfera dos Ancares Lucenses, correspondentes ao terceiro trimestre do ano

– O campamento celebrarase dende o luns 20 ao venres 24 de agosto de 10:00 a 14:00 horas na Escola de Barcia

– Os interesados poden apuntarse a través da páxina web www.deputacionlugo.gal, cubrindo o pertinente formulario habilitado; a través do correo electrónico ancareslucenses@deputacionlugo.org; ou ben no teléfono 982 227 813

O Goberno da Deputación mantén aberto o prazo de inscricións para participar no campamento de verán que ofrece totalmente de balde na Escola de Barcia, en Navia de Suarna, do 20 ao 24 de agosto. Esta iniciativa enmárcase nas actividades medio ambientais e gratuítas que o Executivo da Deputación organiza na Reserva da Biosfera dos Ancares Lucenses, correspondentes ao terceiro trimestre do ano.

 

O campamento, destinado a rapazas e rapaces de entre 5 e 12 anos, celebrarase dende o luns 20 ao venres 24 de agosto de 10:00 a 14:00 horas no Concello de Navia de Suarna. Os interesados poden apuntarse a través da páxina web da Deputación www.deputacionlugo.gal, cubrindo o pertinente formulario habilitado; a través do correo electrónico ancareslucenses@deputacionlugo.org; ou ben no teléfono 982 227 813. Arestora quedan 5 prazas libres.

 

Mediante estas actividades, o Goberno da Deputación pretende achegar o medio natural aos veciños e veciñas, incentivando o interese pola riqueza paisaxística da provincia, ao tempo que se conciencia á cidadanía sobre o respecto ao medio ambiente e o uso sostible dos recursos naturais.